Col. Mwaigobeko Aridhishwa na Kasi ya Ujenzi wa Madarasa

Posted on: November 12th, 2022

Mkurugenzi wa Manispaa ya Mtwara-Mikindani COL. Emanuel Mwaigobeko amefanya ziara ya ukaguzi wa ujenzi wa madarasa ishirini na moja ya Sekondari na kuridhishwa na kasi ya ujenzi wa madarasa hayo ambayo yanatakiwa kukamilika Novemba 28 mwaka huu kwa Mkoa wa Mtwara.

Pamoja na kuridhishwa na kasi ya ujenzi Mkurugenzi amewasisitiza wakuu wa Shule na watendaji wa Kata kuhakikisha wanazingatia ubora wa vifaa vya ujenzi ili madarasa hayo yawe imara na yenye viwango vinavyohitajika.

Katika ziara hiyo  COL.Mwaigobeko pia ametembelea zahanati ya Ufukoni kwa ajili ya kukagua ujenzi unaoendelea wa jengo la upasuaji, wodi ya mama na mtoto pamoja na jengo la kufulia na  kuridhishwa na ubora wa majengo hayo.

Mkurugenzi amefanya ziara hiyo Novemba 2, 2022 akiambatana na Wakuu wa Idara na Vitengo wa Manispaa ya Mtwara-Mikindani.

Mwezi Oktoba mwaka huu Manispaa ya Mtwara-Mikindani ilipokea shilingi milioni mia nne ishirini kutoka Serikali Kuu  kwa ajili ya ujenzi wa madarasa ishirini na moja ya Sekondari ikiwa ni maandalizi ya wanafunzi watakaochaguliwa kujiunga kidato cha kwanza 2023