Naibu Meya Apokea Bendera Kutoka kwa Osama , Amuahidi Kumpa Ushirikiano

Posted on: September 28th, 2022

Naibu Meya wa Manispaa ya Mtwara-Mikindani  Mhe.Edward Kapwapwa Leo Septemba 28,2022 amepokea bendera ya Manispaa iliyokabidhiwa kwa bondia  Osama Arabi  ambae alipigana  na Bondia Emilian Polino kutoka JKT kwenye pambano la ngumbi la ubabe ubabe tu lililofanyika Septemba 24,2022 akiuwakilisha Mkoa wa Mtwara.  

Naibu Meya amemshukuru bondia huyo kwa kuiwakilisha Mnaispaa ya Mtwara-mikindani na kumuhakikishia bondia huyo Pamoja na uongozi wake kuwa Mnaispaa itendelea kuwapa ushirikiano kwenye kila jambo.

“Sisi tuko Pamoja na nyinyi ,msikose kuja halmshauri , tuko tayari kusapoti kila mtakachohitaji, karibuni msiogope hii ofisi ni ya kwenu” Amesema Naibu Meya

Kwa upande wake bondia huyo ameushukuru uongozi wa Mkoa, Wilaya  na Manispaa kwa kumuunga mkono na amewaomba waendelee  kumuuunga mkono ili aweze kuiwakilisha Mtwara vizuri.