Mtwara-Mikindani yagawa Vifaa vya TEHAMA kwa Walimu

Posted on: April 27th, 2022

Baada ya kupokea vifaa vya TEHAMA kutoka Serikali Kuu vilivyogawiwa April 25,2022 na Waziri wa TAMISEMI Mhe. Innocent Bashungwa Jijini Dar Es Salaaam, Leo April 27,2022 Manispaaa ya Mtwara-Mikindani imegawa  vifaa hivyo (Fotokopi mashine 1, Kompyuta 30 ) kwa Wakuu wa Shule za Sekondari na na Kituo cha walimu Majengo (TRC).

Serikali imetoa vifaa hivyo ili kurahisisha ujifunzaji na ufundishaji kwa kutumia teknolojia ya TEHAMA Pamoja na kusaidia katika mafunzo endelevu kwa  walimu kazini (MEWAKA) ikiwemo mada ngumu na maandalizi ya mitihani.

Aidha matumizi ya vifaa hivyo yamegawanyika katika sehemu mbili ikiwemo vifaa fotokopi mashine ambayo itawekwa kwenye kituo cha walimu kilichopo shule ya Msingi Majengo kwa lengo la kusaidia shughuli za kitaaluma ndani ya Manispaa

Pia kwa upande wa Kompyuta zimepelekwa  kwenye shule zenye maabara za TEHAMA ambazo ni  Shule ya  Sekondari ya Mtwara Ufundi, Shangani Pamoja na Shule ya Sekondari ya Wasichana Mtwara  ambapo kila shule moja imepata Kompyuta kumi.

Akizungumza mara baada ya kupokea vifaa hivyo Mratibu wa Kituo cha walimu Majengo mwalimu Paul Kaji ameishukuru Serikali kwa kuwezesha vifaa hivyo kwani itawasaidia kwenye kuongeza ufaniis katika ushughui za kitaaluma kwa shule za Msingi’ na Sekondari.