Strong Ladies wachangia Tofali 500 za ujenzi wa nyumba ya bi. Chikaoneka .

Posted on: August 16th, 2021

Kikundi cha wanawake cha Strong Ladies kilichopo Manispaa ya Mtwara-Mikindani nacho kimeguswa na tatizo la Bi. Zainabu Chikaoneka na mume wake (wote walemavu wa viungo) na kutoa msaada wa tofali 500 kwa ajili ya ujenzi wa nyumba ya wazee hao.

Pamoja na matofali kikundi hicho pia kimekabidhi bidhaa mbalimbali ikiwemo vyakula ,sabuni na bidhaa zingine vyenye thamani ya shilingi 750,000/=

Mwenyekiti wa kikundi hiko Bi. Sylvia Rwechungura amesema kuwa wao kama kikundi wameguswa na tatizo la wanandoa hao na kuamua kutoa sehemu ya walichonacho kuwasaidia.

Amesema kuwa huu ni mwanzo tu lakini kama kikundi watashirikiana na Manispaa ya Mtwara-Mikindani na wadau wengine kuhakikisha nyumba ya wanandoa hao inajengwa na kukamilika ili waweze kuishi sehemu safi na salama huku wakiwa na furaha.

Aidha amewaomba wadau wengine kujitokeza kuchangia walichonacho ili kukamilisha nyumba hiyo.

 Manispaa ya Mtwara- Mikindani  inawapongeza kikundi cha strong Ladies kwa msaada walioutoa ili kuwezesha ujenzi wa nyumba hivyo.