Wasanii Watakiwa Kutumia Sanaa Kuitangaza Mtwara

Posted on: July 8th, 2022

Mkuu wa Wilaya ya Mtwara Mhe.Dunstan Kyobya amewataka wasanii wa Sanaa mbalimbali waliopo Wilayani hapa kuhakikisha wanatumia Sanaa yao katika kuitangaza Mtwara ili iweze kutambulika kitaifa na kimataifa.

Mkuu wa Wilaya ametoa wito huo Julai 8,2022 alipofanya kikao na wasanii hao katika Ukumbi wa Benjamini Mkapa uliopo Chuo Cha Ualimu Kawaida.

Mhe. Kyobya amewataka wasanii kufanya kazi kwa kushirikiana Pamoja na kujitambua kwa kuwa wao ni kioo cha jamii ambao wanawakilisha mkoa wa Mtwara popote pale wanapokwenda.

Aidha kuelekea kwenye sensa ya watu na makazi inayotarajia kufanyika Agosti 8 mwaka huu Mkuu wa Wilaya amewataka wasanii hao kujitokeza kuhesabiwa lakini pia kutumia Sanaa yao katika kuhamasisha jamii juu ya zoezi la sensa ya watu na makazi.

Mkuu wa Wilaya pia amewapongeza Maafisa Utamaduni Mkoa wa Mtwara na Manispaa ya Mtwara-Mikindani kwa kazi kubwa wanayoifanya ya kuwakutanisha wasanii Pamoja ili kujadili mikakati ya kuimarisha umoja wao

Kwa upande wake Mohamedi Sandali Mwenyekiti wa kikundi cha Sanaa cha Mundu ameipongeza Ofisi ya Mkurugenzi wa Mnaispaa ya Mtwara-Mikindani kwa mchango mkubwa anaowapa wasanii wanapokwenda kushiriki mashindano mbalimbali yanayofanyika nje ya Mtwara