Idara hii inawajibika kutoa huduma ya kijamii kwa kuhudumia barabara zote ndani ya Manispaa pamoja na kusimamia Ujenzi wa Majengo ya Serikali na watu binafsi na kufanya matengenezo ya magari na Mitambo ya Halmashauri.
Idara inajumla ya vitengo vitatu(3)
Barabara
Majengo
Ufundi na Mitambo
KITENGO CHA BARABARA
Wajibu wa kitengo cha barabara
Kutoa huduma bora ya mawasiliano kwa njia ya barabara ambayo inaunganisha Tarafa,Kata na Mitaa iliyopo ndani ya Manispaa.
Kusimamia ujenzi wa miundombinu ya barabara kama makalavati,mifereji na madaraja.
Kusimamia matumizi ya barabara baada ya kujengwa ili kulinda ubora wake.
Kutoa vibali vya kukata barabara ili kupitisha huduma za kijamii kama mabomba ya maji,nyaya za mawasiliano.
Wajibu wa watumiaji wa barabara
Kutumia sehemu za barabara kulingana na matumizi yaliyopangwa.
Kutunza miundombinu ya mifereji na makalavati.
Kutoa taarifa kwenye mamlaka husika kunapokuwa na dalili za hujuma za miundombinu ya barabara.
Kutumia barabara kwa kuheshimu sheria na alama za barabarani.
Kutokufanya matengenezo yoyote au kuweka matuta kwenye barabara bila kuwa na kibali cha kutoka idara ya ujenzi
KITENGO CHA MAJENGO
Wajibu na majukumu ya kitengo cha Majengo
Kuandaa michoro mbalimbali ya Majengo ya serikali
Kufanya makisio ya gharama ya ujenzi na ukarabati wa Majengo ya serikali
Kuandaa makisio ya vifaa vya ujenzi kwa kazi zinazofanywa kwa kutumia vibarua na wataalam wa ndani
Kusimamia utekelezaji wa miradi/kazi za ujenzi na ukarabati wa Majengo ya serikali zinazofanyika na wakandarasi na wataalamu wa ndani.
Kukagua na kuandaa malipo ya kazi zilizofanywa na wakandarasi kwa kuzingatia ubora na thamani ya kazi iliyofanyika
Pamoja na kazi zilizoorozeshwa hapo juu pia kitengo cha Majengo kinajishughulisha na kazi zifuatazo:-
Kudhibiti majenzi holela mjini kwa kukagua maeneo yote yanayojengwa kama wamepewa kibali cha ujenzi.
Kupokea maombi ya vibali vya ujenzi, ukarabati na kuhamia katika jengo lililomalizika ujenzi na kutoa vibali hivyo kwa aliyekidhi vigezo.
Taratibu na wajibu wa mwananchi/raia anapoomba kibali cha ujenzi/ukarabati
Kuandaa michoro ya jengo linalokusudiwa kujengwa
Kuwasilisha michoro kwenye ofisi ya mhandisi wa Manispaa ikiwa kwenye majalada matatu (3) kwa ajili ya ukaguzi.
Kujaza fomu ya maombi ya kibali cha ujenzi au ukarabati.
Kufanya malipo ya kibali cha ujenzi kwa mujibu wa viwango vilivyowekwa na manispaa
Kusubiri kibali cha ujenzi/ukarabati kulingana na kikao cha kamati ndogo ya mipangomiji ambacho kinakaliwa mara moja kwa mwezi.
Wajibu wa ofisi ya Mhandisi wakati wa mchakato wa upatikanaji wa vibali vya ujenzi/ukarabati.
Kupokea na kukagua michoro ili kuanzisha mchakato wa upatikanaji wavibali vya ujenzi
Kusajili maombi ya kibali cha ujenzi/ukarabati kwa mteja aliyekidhi vigezo
Kusajili maombi ya kibali cha ujenzi/ukarabati kwa mteja aliyekidhi vigezo.
Kuwasilisha michoro iliyosajiliwa kwenye ofisi ya Mipangomiji kwa hatua nyingine za ukaguzi
Kutoa vibali vya ujenzi kwa wananchi kwa michoro iliyopitishwa/kuidhinishwa na kamati ndogo ya Mipangomiji.
KITENGO CHA MITAMBO
Wajibu na majukumu ya kitengo cha Mitambo
Kukagua Mitambo, magari, pikipiki za Manispaa kabla na baada ya matengenezo
Kutengeneza magari, pikipiki na mitambo pale panapohitajika kufanya hivyo.
Kutoa ushauri kwa madereva, maopereta wa mitambo kuhusu matumizi sahihi ya mtambo, pikipiki na magari.
Kusimamia matengenezo ya mitambo, mitambo na pikipiki pale matengenezo hayo yanapofanyika nje ya Manispaa
Kutoa ushauri kwa Mkurugenzi wa Manispaa na kuhusu matumizi sahihi ya mitambo, magari na pikipiki.
