"Anzisheni Vikundi vya Ulinzi Shirikishi Katika Kata" DC KYOBYA

Posted on: July 31st, 2021

Mkuu wa Wilaya ya Mtwara Mhe. Dustan Kyobya amewataka Madiwani  na Watendaji wa Mitaa   Manispaa ya Mtwara-Mikindani    kuanzisha na kuboresha      vikundi vya ulinzi  shirikishi  katika Kata    ili  kuimarisha ulinzi na usalama   katika maeneo yao.

Mhe.Kyobya amezungumza hayo Agosti 1, 2021 katika Mkutano maalumu wa Baraza la Madiwani uliofanyika katika Chuo cha ualimu (TTC).

“Waheshimiwa Madiwani na watendaji wa Mitaa shirikianeni katika kuhakikisha zile changamoto ambazo zinahatarisha amani yetu tunazitatua mapema kwa kuanzisha na kuimarisha vikundi vya ulinzi shirikishi katika maeneo yetu”Amesema Kyobya

Amesema kuwa maendeleo yoyote yanawezekana endapo kuna hali nzuri ya usalama katika eneo husika, hivyo   amewata    Madiwani na Watendaji kwa kushirikiana na wananchi kuunda vikundi vitakavyoimarisha ulinzi katika Kata.

Pamoja na hayo, Mhe Kyobya amewataka Madiwani kuhamasisha wananchi juu ya ujio wa mwenge katika Mkoa wa Mtwara pamoja na kuendelea kutoa elimu kwa wananchi   jinsi gani ya kujikinga na UVIKO 19 hasa katika kipindi hiki cha mapokezi ya mwenge katika Mkoa wa Mtwara. 

‘Mwenge utapokelewa tarehe 28 mwezi wa nane pale Mpapura  ukitokea Lindi, tukawe mabalozi  wa kuhakikisha kwamba mwenge tunaupokea vizuri  lakini pia tusisahu kutoa elimu juu ya UVIKO 19, tuupokee mwenge huku tukichukua tahadhari zote” Amesema Mhe.Kyobya