Baraza La Madiwani Mtwara-Mikindani Lapitisha Bajeti ya Bil. 33.1

Posted on: March 4th, 2024

Baraza la Madiwani la Manispaa ya Mtwara-Mikindani lililoketi Leo Machi 1, 2024 limeridhia na kupitisha rasimu ya mpangp na bajeti ya mwaka wa fedha wa 2024/2025  Shilingi Bilioni thelathini na tatu milioni mia moja tisini na mbili laki moja elfu  hamsini na mbili (33,192,152,000) ambayo imebeba matamanio  ya wananchi wa Manispaa ya Mtwara-Mikindani na imegusa kila sekta

Akiwasilisha taarifa ya mpango huo  kwa niaba ya Mkurugenzi wa Manispaa ya Mtwara-Mikindani, Mkuu wa Idara ya Mipago, Takwimu na Ufuatiliaji ,  Gwakisa Mwasyeba amesema kuwa katika bajeti hiyo Halmashauri imekadiria kukusanya Shilingi bilioni tano milioni mia nne kumi na tisa mia moja arobaini na saba elfu  (5,419,147,000) kutoka katika mapato yake ya ndani, Ruzuku ya matumizi mengineyo (Other Charges) Shilingi milioni mia tisa thelathini na nane mia saba na kumi elfu (938,710,000), Ruzuku ya mishahara Shilingi bilioni kumi na tisa milioni mia sita na sita laki moja kumi na sita elfu (19,606,116,000), Ruzuku ya miradi ya maendeleo kutoka Serikali Kuu Shilingi bilioni nne milioni mia saba arobaini na tisa laki  tatu thelathini na tatu (4,749,333,000) pamoja na ruzuku ya miradi ya maendeleo kutoka kwa wahisani Shilingi bilioni mbili milioni mia nne sabini na nane laki nane arobaini na sita  elfu (2,478,846,000).

Kwa upande wa matumizi  amesema kuwa Manispaa ya Mtwara-Mikindani imepanga kutumia Shilingi bilioni thelathini na tatu milioni mia moja tisini na mbili laki moja hamsini na mbili elfu (33,192,152,000) ambapo Shilingi bilioni tano milioni mia nne kumi na tisa laki moja arobaini na saba (5,419,147,000) zitatoka katika mapato  ya ndani, Shilingi Bilioni saba milioni mia mbili ishirini na nane laki  moja sabini na tisa elfu (7,228,179,000) fedha za miradi ya maendeleo kutoka Serikali Kuu , Shilingi bilioni kumi na tisa milioni mia sita na sita laki moja kumi na sita elfu (19,606,116,000)  zitatumika kulipa mishahara pamoja na shilingi milioni mia tisa thelathini na nane laki saba na kumi (938,710,000 )za matumizi mengineyo (OC).