Baraza la Wafanyakazi Lapitisha Rasimu ya Bajeti ya Bil. 30.1

Posted on: January 26th, 2023

Wakati Manispaa ya Mtwara-Mikindani ikiwa kwenye mchakato wa kupitisha mapendekezo ya mpango na bajeti ya halmashauri kwa mwaka wa fedha wa 2023/224 katika vikao mbalimbali, Wajumbe wa baraza la wafanyakazi Manispaa ya Mtwara-Mikindani wameridhia na kupitisha makadirio ya mapato na matumizi yenye thamani ya shilingi bilioni  thelathini milioni mia moja thelathini na mbili laki  mbili sabini na moja  mia nne na tatu (30,132,271,403).

Pamoja na Kupitisha mpango huo baraza hilo pia limepitia taarifa ya mapitio ya mpango na bajeti ya mwaka 2021/2022  ambapo Manispaa  ya Mtwara-Mikindani iliidhinishiwa kukusanya na kutumia shilingi Bilioni  29,934,362,104 na ikafanikiwa kukusanya shilingi bilioni ishirini na tatu milioni  mia mbili sabini laki tisa sabini na moja, mia tatu tisini na moja na senti sabini na tatu (23,270,971,391.73) sawa na asilimia  75.7

Aidha baraza hilo pia limepitia utekelezaji wa mpango na bajeti kwa kipindi cha nusu mwaka Kuanzia Julai 2022 hadi Desemba 2023 ambapo Manispaa ya Mtwara-Mikindani iliidhinishiwa kukusanya shilingi  bilioni thelathini milioni mia moja thelathini na mbili laki mbili sabini na moja mia tano na sita (30,132,271,506) na hadi kufikia Desemba 2022  Manispaa  imekusanya shilingi bilioni moja milioni mia tisa thelathini na sita laki nane arobaini na nane mia sita sitini na moja na senti themanini(1,936,848,661.80) sawa na asilimia 36.

Kikao cha baraza la wafanyakazi wa Manispaa ya Mtwara-Mikindani kimefanyika katika Ukumbi wa Shule ya Sekondari ya Mtwara-Ufundi leo Januari 26, 2023.