Benki ya NBC yaunga mkono Mpango wa Mstiri Mtoto asome

Posted on: June 1st, 2018

Katika kuunga mkono jitihada zinazofanywa na Manispaa ya Mtwara-Mikindani kupitia  mpango wake wa msitiri mtoto asome ,benki ya NBC tawi la Mtwara limekabidhi taulo za kike (pads)box  11 zenye thamani ya shilingi 220,000 kwa Mkurugenzi wa Manispaa ili aweze kuzigawa kwa wanafunzi wanaoishi katika mazingira magumu.

Akizungumza kwenye hafla fupi ya makabidhiano ya taulo hizo iliyofanyika Juni 1,2018 katika ofisi za manispaa Meneja wa benki  amesema kuwa wao wameguswa na tatizo linalowakabili watoto hao la kutohudhuria masomo shuleni wanapoingia kwenye siku zao kutokana na ukosefu taulo za kike. Ameongeza kuwa wanaamini  uwepo wa taulo hizo utasaidia watoto hao kuhudhuria masono yao vizuri nakuahidi kuendelea kushirikiana na manispaa katika kulisukuma gurumu la maendelo

Nae Asha Moto balozi wa mpango wa msitiri mtoto asome amesema kuwa kutokana na takwimu zilizofanyika zinaonesha kuwa wanafunzi wengi wanashindwa kuhudhuria darasani wakiwa kwenye siku zao hivyo yeye kama balozi amezungumza na wadau mbalimbali ikwemo benki ya Nbc ili kuunga mkono mpango huo na kusambaza taulo hizo kwa wanafunzi.

Kwa upande wake Mkurugenzi wa Manispaa Bi Beatrice Dominic ameishukuru benki ya NBC na balozi wa mpango huo  kwa kuanza kuchangia na kuwataka wadau wengine watakaoguswa kuunga mkono jittihada zilizofanywa na Manispaa kwa kuwasaidia watoto wanaoishi katika mazingira magumu ili wahudhurie darasani. Kama wenzao .

 Juliana Manyama ,Afisa Maendeleo ya Jamii wa Manispaa amesema kuwa Mpango wa msitiri mtoto asome umeanzishwa baada ya wataalamu  kufanya utafiti na kubaini  kuwa wanafunzi wanaoishi katika mazingira magumu  kwa siku 60 kwa mwaka hawahudhurii darasani hasa wanapo ingia kwenye siku zao kutokana na ukosefu wa taulo za kike  na kusababisha kushuka kielimu.

Amesema kuwa ili  kukabiliana na tatizo hilo Manispaa ikaanzisha mpango huo kwa kushirikiana na balozi wa mpango bi Asha Moto, wadau mbalimbali na wanajamaii ili kusaidia upatikanaji wa taulo hizo na kuzigawa kwa watoto wetu. Hata hivyo amesema kuwa ili mpango huo uwe endelevu ni vema kila mmoja akaliunga mkono  jambo hilo ili kuwapatia watoto haki ya elimu kama watoto wengine.