CHMT Mtwara-Mikindani Yapata Mafunzo ya Mfumo wa GoT-HOMIS

Posted on: February 23rd, 2023

Timu ya wasimamizi wa huduma za Afya [CHMT] ya Manispaa ya Mtwara- Mikindani ikipata mafunzo elekezi ya mfumo wa kiektroniki wa GOT-HOMIS ili kuwezesha vituo vya afya na zahanati kutoa huduma kwa ufanisi.

Mafunzo hayo ya siku mbili yameanza leo februari 23 na yanatarajia kuhitimishwa februari 24 katika ukumbi wa Mkurugenzi wa Manispaa ya Mtwara-Mikindani yakilenga kuwajengea uwezo na kuwarahisishia Timu ya CHMT  kufanya ufuatiliaji wa mapato na utunzaji kumbukumbu katika vituo vya afya na zahanati.

Katika mafunzo hayo Mada mbalimbali ziliwasilishwa ikiwa pamoja na mfumo wa taarifa za maabara, uwekaji wa  mfumo sahihi wa matumizi ya dawa, utozaji na ukusanyaji wa  mapato ya dawa  pamoja na kutunza kumbukumbu za afya za mgonjwa.

Katika kuhakikisha kuwa mapato kwenye vituo vya afya na  zahanati yanakusanywa vizuri, Manispaa ya Mtwara-Mikindani  imeshafunga mfumo wa GoT-HOMIS kwenye vituo  vya afya na  zahanati zote (Vituo vya afya 2 na zahanati 5) na kwa sasa  mfumo huo unafanya kazi kwenye vituo vyote.