DC Kyobya apokea jezi , Mipira kutoka benki ya CRDB

Posted on: October 19th, 2020

Katika kuhakikisha kuwa sekta ya michezo inazidi kukua hapa nchini, Benki ya CRDB imekabidhi vifaa vya michezo vikiwemo jezi seti kumi na mbili na mipira kumi kwa Mkuu wa Wilaya ya Mtwara Mhe. Dunstan Kyobya kwa ajili ya kuwapatia vijana wanaocheza mpira katika Wilaya ya Mtwara.

 Akiongea mara baada ya kupokea vifaa hivyo Oktoba 19,2020 Kyobya amewapongeza benki ya CRDB kwa kutambua umuhimu wa michezo kwa vijana kwa kuwa vijana ni chachu ya Maendeleo hapa nchini.

Aidha Kyobya amezitaka Taasisi zingine kuiga mfano wa benki ya CRDB  kwa kuonesha kuwajali wateja nakurudisha faida kwa jamii.

Kwa upande wake Bi. Jenipha Tondi Meneja wa benki hiyo Kanda ya Kusini amesema kuwa CRDB inatambua umuhimu mkubwa wa michezo na mazoezi katika kuongeza nguvu kazi ya Taifa.

Aidha ametoa hamasa kwa vijana kushiriki katika michezo ya aina mbalimbali ili waweze kuwa na afya bora.

 Jezi zilizokabidhiwa zitagawiwa kwa wanamichezo waliopo sehemu mbalimbali za Wilaya ya Mtwara zikiwemo Mbawala, Likombe, Libobe, Dihimba , Mbemba leo.