DC Msabaha Akagua Miradi ya BOOST, Asisitiza Kuongeza Kasi Kwenye Ujenzi

Posted on: July 12th, 2023

Mkuu wa Wilaya ya Mtwara Mhe. Hanafi Msabaha Julai 12, 2023 amefanya ziara ya ukaguzi wa miradi ya ujenzi wa madarasa na matundu ya vyoo yanayojengwa kwa fedha za BOOST kwenye Shule za Msingi nane zilizopo Manispaa ya Mtwara-Mikindani na amewataka walimu, wasimamizi wa mradi pamoja na mafundi kuhakikisha wanafanya kazi usiku na mchana ili miradi hiyo iweze kukamilika kwa wakati kwa kuzingatia viwango vilivyowekwa.

Mkuu wa Wilaya pia amezitaka kamati za shule na Ofisi ya Mkurugenzi kuhakikisha wanafanya manunuzi ya vifaa vyote vinavyohitajika kwenye ujenzi katika hatua iliyobaki  ili kuharakisha ujenzi wa miundombinu hiyo na ianze kutumika.

Aidha ameiagiza timu ya Menejimenti ya Manispaa kuhakikisha kila siku inakutana kwa ajili ya kujadili maendeleo ya ujenzi wa miradi ya BOOST ili inapotokea changamoto yoyote iweze kutatuliwa mapema.