DC Munkunda amewataka Maafisa Elimu na Walimu wakuu Kufanya Kazi kwa Kushirikiana

Posted on: July 31st, 2024

DC MUNKUNDA AMEWATAKA MAAFISA ELIMU NA WAALIMU WAKUU KUFANYA KAZI KWA KUSHIRIKIANA

Mkuu wa Wilaya ya Mtwara Mhe.Mwanahamisi Munkunda amewataka Maafisa Elimu na Waalimu wakuu kufanya kazi kwa ushirikiano kwa kuzingatia mgawanyo wa kazi ili kukamilisha majukumu yao ipasavyo na kwa wakati.

Aidha Mkuu wa Wilaya amewataka walimu kuunga mkono jitihada za Mhe. Rais wa Jamhuri ya Muungano wa Tanzania Dkt. Samia Suluhu Hassan  kwa kuwa ana  matumaini makubwa sana na waalimu na ameipa Sekta ya Elimu kipaumbele  kwa kutoa fedha za utekelzaji wa miradi ya Maendeleo.

Pamoja na hayo Mhe. Munkunda ametoa rai kwa waalimu ambao ndio wazazi  na watu wanaoaminika katika jamii kuzingatia maadili na malezi na kutengeneza mikakati ya kutokomeza ukatili wa kijinsia katika jamii.

Mkuu wa Wilaya amesema hayo leo julai 31,2024 katika Ukumbi wa Chuo Cha Ualimu Mtwara Kawaida (TTC) kwenye kikao chake  na wadau wa Elimu Wilaya Mtwara chenye lengo la kujadili mikakati na maoni yanayohusu maendeleo ya Elimu.