Fanyeni Kazi Usiku na Mchana Mradi Ukamilike Juni 30

Posted on: May 26th, 2023

Mkurugenzi wa Halmashauri ya Manispaa ya Mtwara-Mikindani COL. Emanuel Mwaigobeko amewataka wataalamu wakiwemo Mganga Mkuu, Mhandisi na Afisa Ugavi kusimamia ujenzi wa hospitali ya Wilaya Mjimwema kwa kuhakikisha mafundi wanafanya kazi usiku na mchana ili ujenzi huo uweze kukamilika ifikapo Juni 30 mwaka huu.

Mkurugenzi amesema kuwa ili kutekeleza agizo hilo, Ofisi imeshakamilisha malipo ya awali ya mkandarasi pamoja na ununuzi wa malighafi/ vifaa mbalimbali vya ujenzi vikiwemo matofali, mchanga, saruji  na vipo eneo la mradi.

Ikumbukwe kuwa Desemba 2022,  Halmashauri ya Manispaa ya Mtwara-Mikindani ilipokea fedha Shilingi milioni mia tano (500,000,000) kutoka Serikali  kuu za awamu ya kwanza  kwa ajili ya ujenzi wa Hospitali ya Wilaya Mjimwema kwa majengo ya maabara, jengo la kusubiria wagonjwa wa nje (OPD) na ujenzi wa kichomea taka.