Kiongozi Wa Mbio Za mwenge Aipongeza Mtwara-mikindani Kwa Kutumia Mapato Ya Ndani Kujenga Ofisi Ya Mtaa Wa Msikitini

Posted on: May 25th, 2025

Kiongozi wa Mbio  za Mwenge wa Uhuru Kitaifa Ndugu Ismail Ali Ussi ameipongeza Manispaa ya Mtwara-Mikindani kwa kutumia fedha za mapato ya ndani Shilingi milioni thelathini na tatu laki nne (33,400,000) zilizotumika kujenga Ofisi ya Serikali ya Mtaa wa Msikitini uliopo Kata ya Majengo na ameridhia kuizindua Ofisi hiyo kwa kuwa  inaenda kuimarisha Utawala bora.

“Niwapongeze kwa kazi kubwa mnayoifanya Waheshimiwa Madiwani, Mkurugenzi na timu yako kwa kazi kubwa mnayoifanya ya kuwaletea wananchi Maendeleo nina imani Mungu atawajalia na Mkurugenzi Mhe. Rais ataendelea kukuona”

“ Tumefanya ukaguzi wa jengo hili na tumejiridhisha kuwa jengo limezingatia viwango, sifa na mahitaji ya wananchi “ amesema Ndugu. Ussi

Awali akisoma taarifa ya mradi huo, Afisa Mtendaji wa Kata ya Majengo Athumani Magambo amesema kuwa uwepo wa Ofisi hiyo itaboresha ustawi wa wananchi kwa kutatua kero na changamoto mbalimbali zinazowagusa wakazi wapatao 1094 wa mtaa huo.

Aidha Magambao ametoa shukrani zake za dhati kwa Uongozi wa Manispaa hiyo kwa kuridhia kutoa fedha za ujenzi wa Ofisi