Likombe,Mikindani Washerehekea Siku ya Wauguzi Duniani

Posted on: May 12th, 2021

Katika kuazimisha siku ya wauguzi duniani  ifikapo tarehe  12 Mei , Mkuu wa Idara ya Utumishi na Utawala Halmashauri ya Mtwara Mikindani   Bi. Tamko M. Ally ametoa rai kwa  wauguzi  wa  kituo cha Afya cha Likombe na Mikindani ,  kufanya kazi  kwa ufanisi na uaminifu   katika  kuboresha utoaji wa huduma ya afya  ili  kutomeza  vifo vya mama na mtoto kabla na baada ya kujifungua.

“ Tunatamani kuona mama anapokuja na tumaini la kupata mtoto  tumaini hilo  isiishie leba mama huyo arudi na mtoto nyumbani kwake, hii yote itafanikiwa kama nyie wauguzi,madaktari na wahudumu wengine wa afya mtafanya  kazi zenu kwa ufanisi katika kitengo hiki cha uzazi” Alisema

Bi. Tamko alitoa rai hiyo tarehe 12 Mei  alipozungumza na wauguzi  wa kituo cha afya cha Likombe na Mikindani  waliposheherekea   siku hiyo  ikiwa ni sehemu  moja wapo ya kutambua kazi kubwa inayofanywa na wauguzi hao.

Aliongeza kuwa  Serikali  inatambua  umuhimu na mchango wa  wahudumu wa afya  katika kutokomeza   vifo vya mama na mtoto, hivyo wametakiwa kuendelea kutimiza majukumu yao  ya kila siku  kwa uaminifu na  ufanisi  katika kuboresha utoaji wa huduma ya afya.

 ‘’ Tunatambua bidii yenu katika kuokoa maisha ya mama na motto, nataka niwahaikishie Serikali inatambua  jitihada zenu, naomba muuendelee kuchapa kazi kwa upendo na uaminifu” Alisema Bi. Tamko