Lungu Naibu Meya Mpya Manispaa Mtwara-Mikindani

Posted on: August 1st, 2023

Msimamizi wa Uchaguzi Manispaa ya Mtwara-Mikindani COL. Emanuel  Mwaigobeko amemtangaza Diwani wa Kata ya Majengo Mhe. Sixmundi John Lungu kuwa Naibu Meya mpya baada ya kushinda Uchaguzi  kwa kupata kura 22 kati ya kura 24 zilizopigwa sawa na asilimia 91.

Akizungumza mara baada ya kutangazwa Mhe. Sixmund Lungu amewashukuru wajumbe wa baraza la Madiwani kwa kumpigia kura za ndio na kwamba atafanya kazi kwa kushirikiana na wajumbe wote kwa kuzingatia kanuni, taratibu na miongozo iliyowekwa.

Kwa upande wake Naibu Meya aliyepita Mhe. Edward Laurent Kapwapwa amewashukuru wajumbe wa baraza la amdiwani kwa kumpa ushirikiano katika kipindi cha mwaka mmoja alichohudumu kwenye nafasi hiyo na kumuomba Naibu Meya wa sasa kufanya kazi kwa kuzingatia kanuni, sheria na taratibu ili manispaa isonge mbele.

Uchaguzi wa Naibu Meya umefanyika Leo Agiosti 1, 2023 kwenye mkutano wa baraza la madiwani wa kujadili taarifa za halmashauri uliofanyika kwenye Ukumbi wa mikutano wa Shule ya Sekondari ya Mtwara Ufundi.