Madarsa Yanayoongea Yamkosha Mkuu wa Wilaya, Awataka Walimu Kuyaendeleza Shuleni

Posted on: March 28th, 2022

Mkuu wa Wilaya ya Mtwara Mhe. Dunstan Kyobya  amefurahishwa na namna madarsa yanayoongea yalivyoandaliwa na walimu na wanafunzi kama dhana ya kufundishia na ubunifu wa kitaaluma kwa lengo la kuonesha namna ambavyo mwalimu anaweza kutumia vifaa katika kuwezesha ufundishaji wa stadi za kusoma , kuandika na kuhesabu  kwa darasa la kwanza na la pili Pamoja na masomo ya sayansi na hisabati.

Mhe. Kyobya amewataka walimu kuendeleza madarsa hayo kwenye shule zao hata baada ya Juma la Elimu kumalizika ili kumfundisha mwanafunzi kwa vitendo

Maonesho hayo yamefanyika leo Machi 28, 2022 kwenye maadhimisho ya Juma la Elimu yaliyofanyika Shule ya Msingi ya Majengo

Katika Ukaguzi huo Mhe. Mkuu wa Wilaya pia aliambatana na Naibu meya wa Manispaa ya Mtwara-Mikindani Mhe. Saidi Ally Nassoro  Pamoja na wageni wengine wakiwemo Madiwani wa Kata za Tandika na Majengo, Maafis aElimu Pamoja na wadau wengine wa Elimu.