Madiwani Mtwara-Mikindani Wahimizwa Kutumia Vizuri Mitandao ya Kjamii

Posted on: April 30th, 2022

Mstahiki Meya wa Manispaa ya Mtwara-Mikindani Mhe. Shadida Ndile amewataka Madiwani wa Manispaa hii kuhakikisha wanatumia vizuri mitandao ya kijamii katika kuwapa majibu wananchi penye sintofahamu ili kuondoa taharuki kwa wananchi hao.

“Diwani mzuri ni yule anayetafuta majibu ya serikali na kuwajibu wananchi, diwani ni mtu wa kutoa majibu na sio kuleta taharuki kwenye jamii, tuzingatie hilo kwa maslahi mapana ya Halmashauri yetu”amesisitiza Mhe Ndile

Mstahiki Meya ameyasema hayo April 30, 2022 kwenye mkutano wa baraza la madiwani uliofanyika kwenye ukumbi wa mikutano wa Shule ya sekondari ya Call and Vision iliyopo Manispaa ya Mtwara-Mikindani.

Aidha Mhe. Ndile amewataka madiwani na wataalamu kuwa waadilifu kwenye miradi yote inayoendelea kutekelezwa  ili iwe mizuri na iweze kutumika kwa muda mrefu .

Mhe. Ndile pia ametoa wito kwa wananchi wote wa Manispaa ya Mtwara-Mikindani kuhakikisha wanadumisha usafi katika mji wetu na kulipa ada ya uzoaji wa taka ngumu ili Manispaa iweze kutoa hudum ya uzoaji w ataka kwa ufanisi .