Madiwani Watakiwa Kuwashirkisha Wananchi Kuanzisha Miradi ya Maendeleo

Posted on: January 26th, 2022

Baada ya Madiwani kuwasilisha taarifa za uhaba wa miundombinu mbalimbali ya shule kwenye maeneo yao, Mstahiki Meya wa Manispaa ya Mtwara-Mikindani Mhe. Shadida Ndile amewataka Madiwani hao kuwahamasisha wananchi kwenye Kata zao ili waweze kuchangia katika sekta ya elimu  kwa kuanzisha miradi ya Maendeleo ili Serikali iweze kuunga mkono jitihada za jamii.

Amesema kuwa kwa sasa Serikali  imetoa muongozo unaosisitiza wananchi kuanzisha miradi na kuimalizia  hivyo ni jukumu la Madiwani na watendaji kuanzisha miradi ya maendeleo kwenye Kata na Mitaa.

Mstahiki Meya ameyasema hayo Januari 26,2022 kwenye kikao cha baraza la Madiwani kilichoketi katika Ukumbi wa Chuo Cha ualimu Kawaida kwa ajili ya kujadili taarifa za utekelezaji wa shughuli mbalimbali za Kata.

Aidha Mstahiki Meya amewataka Madiwani na watendaji kufanya kazi kwa kushirikiana ili Manispaa yetu iweze kusonga mbele