Mahakama ya Mwanzo Yafunguliwa Mtawanya, Ngwembe Awaomba Wananchi Ushirikiano

Posted on: June 29th, 2021

Baada ya  kukaa kwa  muda  mrefu bila kuwa na mahakama  ya mwanzo  Katika Kata ya Mtawanya na kupelekea wananchi kutembea umbali mrefu  kwenda mTwara Mjini kupata huduma za kimahakama , hatimae leo Juni 29,2021 Jaji Mfawidhi wa mAhakama  kuu Kanda ya Kusini Mhe.Joel Paul Ngwembe amefungua  huduma za kimahakama zitakazotolewa kila siku Katika ofisi ya Kata ya Mtawanya na kuwomba wananchi kutoa ushirikiano kwa watumishi watakaofanya kazi katika mahakama hiyo.

Mhe. Ngwembe amesema kuwa ofis yake imemua kuanzisha huduma hiyo ili kuwasogezea wananchin huduma kwa ukaribu na kuwaondolea adha ya kutembea umbali mrefu.

Kutokana na  uwepo wa huduma za kimahakama katika eneo hilo Jaji amewataka wananchi wa Mtawanya kutojichukulia sharia mkononi na kugomban hovyo katika maeneo yao badala yake waitumie kupata Suluhu ya matatizo yao bure.

“Ufunguaji wa mashauri hauna gharama, unaweza kufungua kwa njia ya mtandao, hakuna sababu ya kugomban hovyo mtaani, vipo vyombo vilivyofundishwa kwaajili ya kutatua matatizo yenu” Alisema Ngwembe

Aidha amewaomba wananchi hao kutumia hakimu aliyepangiwa kituo vizuri katika kutatua mogogoro yao ya kila siku.

Kwa uapnde wake Mkuu wa Wilaya ya Mtwara Mhe.Dunstan Kyobya amewashukuru Jaji Ngwembe kwa kurudisha mahakama ya mwanzo Mtawanya kwani ni kiu ya muda mrefu ya wananchi wa eneo  hilo.

Nae Diwani wa Kata ya Mtawanya Mhe. Ahmad Kalikumbe amesema kuwa amefurahi sana kuona Mahakama ya mwanzo inarejeshwa tena katika Kata yake na kwamba uwepo kwa hakima mwanamke katika  mahakama hiyo  ana Imani haki itatendeka.

Huduma za Mahakama ya mwanzo Mtawanya zinaanza kutolewa Juni.30,2021 na tayari hakimu wa Mahakam hiyo ameshateuliwa.