Meya Ndile Awataka Madiwani Kuwaelimisha Vijana Kuhusu Umuhimu wa Mikopo ya Asilimia Kumi

Posted on: August 1st, 2024

Mstahiki Meya wa Manispaa ya Mtwara -Mikindani Mhe.Shadida Ndile awataka madiwani wa Manispaa hiyo kutoa Elimu kwa vijana kuhusu umuhimu wa mikopo ya asilimia kumi inayotolewa na Halmashauri kwa vikundi vya  wanawake, Vijana na watu wenye ulemavu ili waitumie kama ilivyokusudiwa na  kuleta maendeleo katika jamii .    

Hayo ameyasema leo, Agosti 1, 2024 katika Mkutano wa baraza la madiwani robo ya nne Kwa ajili ya kujadili taarifa za Halmashauri uliofanyika katika Ukumbi wa Mkuu wa Mkoa (Boma).

Aidha Mhe.Ndile ameahidi kutatua changamoto zilizopo katika za soko la bomba la bure  ili liweze kutumika  kwa dhamira ya kuongeza vyanzo vya mapato.

Pamoja na hayo amezitaka kamati mbalimbali za madiwani kushirikiana na watendaji wao bega kwa bega katika kuwahimiza wananchi juu ya umuhimu wa ukusanyaji wa mapato ya ndani na kuwaweka wazi wananchi katika mikutano ya hadhara  kiwango cha mapato kilichokusanywa na matumizi ya mapato hayo katika Utekelezaji wa miradi ya maendeleo.

Akielezea kuhusu fedha za  mfuko wa Jimbo, Mstahiki Meya amewataka wajumbe wa mfuko huo kusimamia  matumizi ya fedha   na kuhakikisha  malengo yaliyokusudiwa kweny fedha husika yatekelezwa kwa ushirikishaji na uwazi.