Mgogoro uliodumu kwa miaka 10 Uwaja wa ndege wapatiwa ufumbuzi

Posted on: September 25th, 2021

 Mgogoro uliodumu kwa muda wa miaka kumi kati ya wananchi wa Mangamba( wanaoishi upande wa kaskazini mwa mkuza wa bomba la gesi) na uwanja wa ndefu umefika tamati  kwa wananchi hao kurejeshewa maeneo yao na kuruhusiwa kuendelea na shughuli zao za kijamii.

Taarifa hiyo imetolewa na Mkuu wa Wilaya ya Mtwara Mhe. Dunstan Kyobya   Septemba 25, 2021 katika kikao chake na wananchi wa Kata ya Mtawanya  na Naliendele kilichofanyika katika kiwanja cha Kanisa Katoliki lililopo Shule ya Sekondari ya wasichana Mtwara.

“Eneo la upande wa bomba la gesi kurudi huku  limerejeshwa kwa  wananchi nina imani na upande ule mwingine tutamaliza  mgogoro huu  ili tukae kwa amani” Amesema Kyobya

Aidha Mhe.  Kyobya  ametoa siku 30  kuanza kwa  taratibu wa urasimishaji  wa maeneo hayo ili  kila mwananchi apate eneo na  hati ya umiliki  kisheria. 

Kwa eneo la upande wa Kusini mwa Mkuza wa bomba la gesi ambalo bado lipo kwenye mgogoro     Mhe. Kyobya ameahidi kurudi   tarehe 15 Octoba kutolea maelezo juu ya maamuzi yaliyofikiwa.

“Tutarudi hapa tarehe 15 Octoba kufanya kikao cha hadhara kuwapa majibu ya mrejesho     juu ya upande huo mwingine”Amesema Mhe. Kyobya

Naye Idrisa Sinani   Mkazi wa Mangamba ameishukuru Serikali kwa kuwarejeshea eneo hilo na ameiomba Serikali kuendelea kuwapigania ili warejeshewe eneo lililobaki.

Eneo  la Kaskazini mwa mkuza wa bomba la gesi (eneo  ambalo limerejeshwa)  lina   ukubwa wa  ekari  135 na wananchi wapatao 256 na eneo la  upande wa Kusini lenye ukubwa wa ekeri 1250 na  wananchi  wapatao 1264 .