Mhe. Mtenga aazindua Mradi wa Visima 30

Posted on: August 29th, 2021

Mbunge wa Jimbo la Mtwara Mjini Mhe. Hassan Mtenga 29 Agosti 2021 amezindua mradi wa uchimbaji wa visima 30 katika Kata ya Magomeni Kagera Mtaa wa Kagera ili  kurahisisha upatikanaji wa maji kwa kumtua mama ndoo kichwani.

Mradi huo ambao  unasimamiwa na   Bonde la Ruvuma na Pwani ya Kusini utagharimu kiasi cha shilingi Mil 980 hadi kukamilika kwake  na utatekelezwa katika vijiji 30 vilivyopo katika  majimbo 10 ya Mkoa wa Mtwara, ambapo kila jimbo litapata visima 3. 

Ili Mradi huu uwe endelevu Mhe. Mtenga amewataka wananchi wa Mtaa wa Kagera kuhakikisha wanaimarisha ulinzi wa mradi huu kuanzia sasa hadi pale utakapokamilika.

“Visima tunavyovijenga vinahitaji ulinzi wa hali ya juu, mmesikia wenyewe gharama yake   ni kubwa mno uangalifu unahitajika sana”Amesema Mhe. Mtenga

Pamoja na hilo Mhe. Mtenga amewataka wananchi wa Mkoa wa Mtwara kuendelea kujitolea hasa katika Sekta ya Elimu   ili kuunga mkono juhudi za Serikali katika  kuboresha sekta hiyo na kuleta mandeleo.

Naye Mkurugenzi wa Bonde la Ruvuma na Pwani ya Kusini Bw. Jumanne Mpemba ameishurukuru Serikali kwa kuwekeza fedha katika  mradi huu  ambao utapunguza changamoto ya upatikanaji wa maji katika maeneo    yaliyoanishwa.

Kwa upande wake Diwani wa Kata ya   Magomeni Bw. Lameck Mlaponi amemshukuru Mhe.Mtenga   kwa kuona changamoto ya upatikanaji wa maji katika Kata ya Magomeni na kuitolea ufumbuzi.

Asha Shabani ambae ni mkazi wa Kagera ameishukuru sana Serikali kwa  kuwekeza fedha hizo kwasababu   mradi huu umepunguza  changamoto ya  kutumia muda mwingi kutafuta maji.

Kwa Manispaa ya Mtwara-Mikindani visima hivyo viatajengwa katika Kata ya Mitengo, Magomeni na Ufukoni.