Mhegele ahimiza Vikundi vya huduma ndogo za fedha kujisajili

Posted on: March 31st, 2021

Mratibu wa huduma ndogo za kifedha Manispaa ya Mtwara-Mikindani Bi. Janeth Mhegele amevitaka vikundi vinavyojihusisha na   huduma ndogo za kifedha (cmg)  ndani ya Manispaa kujisajili ili viweze kutambulika na kuweka fedha zao  benki badala ya kuweka kwenye masanduku  majumbani kama inavyofanyika hivi sasa.

Mhegele ametoa wito huo leo Machi 31,2021 alipokuwa anafanya uhamasishaji kupitia redio juu ya uanzishawaji wa wa sheria mpya ya huduma ndogo za fedha ya mwaka 2018  inayotaka vikundi vyote vinavyotoa huduma hiyo kujisajili ili viweze kutambulika rasmi.

Amesema kuwa uanzishwaji wa sheria umelenga kudhibiti na kulinda watumiaji wa huduma ndogo za fedha kuondoa changamoto mbalimbali wanazokutana nazo hizi sasa zikiwemo kuibiwa kwa fedha zinazokusanywa na kutapeliana baina ya wana wana kikundi.

Katika kuhakikisha watoa huduma hao wanazipelkea fedha zao benki kw ajaili ya usalama Mhegele ametoa wito kwa taasisi za kifedha(mabenki) kuhakikisha wanaweka mazingira Rafiki kw avikundi hivyo ili viweze kuweka fedha benki badala majumbani.

Zoezi laUsajili wa huduma ndogo za fedha vikiwemo vikundi vya kuweka akiba  na kukopeshana Pamoja na upatu linaanza rasmi April 1,2021 na litamalizika April 30.