"Miaka 61 ya Uhuru Tuimarishe Amani na Umoja "Dunstan Kyobya

Posted on: December 9th, 2022

Katika kuadhimisha miaka 61 ya Uhuru Mkuu wa Wilaya ya Mtwara Mhe. Dunstan Kyobya amewataka wananchi wa Mtwara kuimarisha amani  na umoja kwenye kila sekta ili kuimarisha maendeleo ya Taifa letu.

Aidha Mhe. Kyobya amewataka Viongozi wa Kata wakiwemo Madiwani na Wenyeviti wa Mitaa pamoja na kujadili amani kwenye  vikao vyao wahakikishe wanahubiri suala la ukatili wa kijinsia Pamoja na mambo mengine hatarishi ambayo kwenye jamii yamekuwa yakifanyika kila siku huku akiitaka jamii kutoa taarifa pale wanapobaini kuna ukiukwaji wa haki za kibinadamu.

“katika kuadhimisha siku hii leo tukataze ukatili wa kijinsia,lakini pia  kuna masuala ya ushoga , matumizi ya madawa ya kulevya, wanawake kupigwa vitendo hivi havikubaliki, tusivinyamazie tuwe mashujaa tuseme’ amesisitiza Mhe. Kyobya

Mhe. Kyobya ameyasema hayo leo desemba 9,2022 kwenye kongamano la maadhimisho ya miaka 61 ya Uhuru lililofanyika Chuo Kikuu cha Stella Maris Mtwara  likiwahusisha viongozi wa Wilaya ya Mtwara, Madiwani, wazee maarufu, watumishi wa sekta mbalimbali zilizopo Wilaya ya Mtwara Pamoja na wananchi .