MIL. 10 zatumika kulipa wafanyakazi Hodari

Posted on: May 1st, 2018

Baadhi ya watumishi (wafanyakazi hodari) wa Manispaa Mtwara-Mikindani wakiwa na nyuso za furaha baada ya kukabidhiwa zawadi(fedha) na vyeti kwenye maadhimisho ya siku ya wafanyakazi Duniani yaliyofanyika kimkoa Wilayani Newala

Manispaa ya Mtwara-Mikindani yaadhimisha siku ya wafanyakazi Duniani kwa kuwapatia watumishi wake hodari fedha taslimu shilingi milioni 10 zilizotolewa  kwa watumishi 20 ambapo kila mmoja amekabidhiwa shilingi 500,000 kama motisha kwa ufanyaji  wa kazi hodari walioufanya kwa weledi mkubwa.

Maadhimisho ya siku ya wafanyakazi Duniani yamefanyika kimkoa Wilayani Newala katika Viwanja vya Sabasaba ambapo halmashauri zote za Mkoa wa Mtwara zimejumuika pamoja katika kusherehekea siku hiyo. Aidha kitaifa Maadhimisho haya yamefanyika Mkoani Iringa chini ya Mgeni rasmi Mhe. John P.Magufuli Rais wa Jamhuri ya Muungano wa Tanzania yakiwa na kauli mbiu inayosema "kuunganishwa kwa Mifuko ya hifadhi za jamii kulenge kuboresha mafao ya mfanyakazi"