Mstahiki Meya awaasa wananchi kuhudhuria mikutano kwenye maeneo yao

Posted on: October 7th, 2021

Mstahiki Meya wa Manispaa ya Mtwara-Mikindani Mhe. Shadida Ndile ameonesha kuchukizwa na tabia ya wananchi kutohudhuria mikutano ya hadhara na  kuwataka  wananchi  hasa vijana kujitokeza kwa wingi  katika mikutano   inayoitishwa kwenye Kata na Mitaa    kwani mikutano hiyo ni fursa mojawapo ya kuwasilisha kero zao  kwa  watendaji wa Serikali.

“Sijaridhishwa na mahudhurio yenu, mahudhurio ni madogo sana hasa vijana   tusitumie vijiwe kulaumu Serikali tulete kero zetu katika mikutano hii” Amesema Ndile.

 Mhe. Ndile ametoa rai hiyo Oktoba 7, 2021 katika Mkutano wa Mbunge wa Jimbo la Mtwara Mjini Mhe. Hassan Mtenga  na wananchi wa Kata ya Mtonya.

Amesema kuwa  Serikali imeweka utaratibu wa mikutano hiyo ili kuwaleta wananchi na watendaji wa Serikali  pamoja  katika kupeana  taarifa  mbalimbali za maendeleo katika Kata na Manispaa Yetu.

Aidha amewataka wananchi wa Kata ya Mtonya kujiunga na Mfuko wa Bima ya Afya iliyoboreshwa ili kupata ulinzi wa matibabu .

“Tunaishukuru Serikali kwa kutuletea Mfuko wa Bima ya afya iliyoboreshwa Bima  nitoe rai kwa wananchi tujiunge na Mfuko wa Bima iliyoboreshwa,  kuna faida kubwa sana utaipata”  Amesema Ndile