Mtwara Kuchele Wapokea Fulana 22 zilizotolewa na Mhe. Mtenga

Posted on: September 27th, 2021

Mbunge wa jimbo la Mtwara Mjini Mhe.Hassan Mtenga Septemba 27, 2021 amekabidhi fulana  22 kwa  kikundi cha  Wanawake Mtwara Kuchele kinachofanya usafi wa mazingira Manispaa ya Mtwara-Mikindani.

Akikabidhi fulana hizo kwa niaba yake , Ndg. Hassan Namkami    ambae ni Katibu wa Mbunge wa jimbo la Mtwara Mjini amesema kuwa Mhe. Mtenga anatambua jitihada   zinazofanywa na kikundi hicho katika kuhakikisha Manispaa ya Mtwara –Mikindani inakuwa na mazingira safi.

“Inawezekana kazi mnayofanya ni kubwa kuliko mnachokipata, Mhe. Mtenga  anathamini jitihada zenu na yupo tayari kuwaunga mkono” Amesema Namkani

Sambamba na tisheti hizo Mhe. Mtenga ameahidi kuwasaidia vifaa vya usafi  pamoja na bima ya afya  kwa kila mwanachama wa kikundi hicho.

“Mhe. Mtenga amenituma niwaambie atawasaidia  vifaa vya kufanyia usafi pamoja na  bima  ya afya itakayomwezesha kila mmoja  kupata huduma ya afya kwa gharama nafuu” Amesema Namkani

Naye Mwenyekiti wa Kikundi cha Mtwara Kuchele Bi. Haua Chilumba   amemshukuru Mhe. Mtenga kwa msaada huo  na ametoa wito kwa  wadau wengine kujitokeza   na kushirikiana na kikundi hicho  ili  kuboresha usafi wa mazingira  katika Manispaa yetu.