Mtwara-Mikindani Mshindi wa Pili Kwenye Usimamiiz wa Rasilimali Watu

Posted on: December 19th, 2024

Kutokana na Utendaji Kazi bora wa Idara ya Utawala na Usimamizi wa Rasilimaliwatu katika kushughulikia masuala yahusuyo watumishi ndani ya Manispaa ya Mtwara-Mikindani, Serikali Kupitia Ofisi ya Rais Menejimenti ya Utumishi  wa Umma na Utawala Bora, imeikabidhi Manispaa tuzo ya Ushindi ya Usimamizi bora wa Rasilimaliwatu baada ya kushika nafasi ya pili kati ya Manispaa ishirini zilizopo Tanzania bara katika mwaka wa fedha wa  2024/2025

Tuzo hizo zimetolewa Leo Desemba  19,2024 na Naibu Waziri wa Wizara ya Utumishi na Utawala Bora  Mhe. Deus Sangu Kwenye Kikao kilichowahusisha Wakuu wa Idara ya Utawala na Usimamizi wa Rasilimaliwatu kilichofanyika katika Ukumbi  Wa Halmashauri ya Jiji la Dodoma.

Aidha tuzo hizo zimetolewa baada ya Serikali kufanya tathmini ya Utendaji Kazi wa Idara ya Utawala na Usimamizi wa Rasilimaliwatu katika sekta mbalimbali.