Mtwara-Mikindani Yaanza Ujenzi wa Shule mpya ya Sekondari Tandika

Posted on: August 3rd, 2024

Baada ya Manispaa ya Mtwara Mikindani kuingiziwa fedha Shilingi Milioni Mia tano sitini (560,000,000) kutoka Serikali Kuu kwa ajili ya ujenzi wa Shule mpya ya Sekondari  Kata ya Tandika, Agosti 3,2024 Mhe. Mwanahamisi Munkunda, Naibu Meya wa Manispaa ya Mtwara-Mikindani Sixmund Lungu na Mkurugenzi wa Manispaa hiyo Mwalimu Hassan Nyange wamewaongoza wananchi wa Kata ya Tandika, Viongozi wa Chama na Serikali na watumishi  kushiriki kujitolea kuchimba msingi wa ujenzi wa shule hiyo mpya.

Akizungumza mara baada ya kumalizika Kwa zoezi la  uchimbaji wa  msingi,  Mkuu wa Wilaya ya Mtwara amewapongeza watumishi na wananchi kujitokeza kwa wingi katika zoezi hilo huku akisisitiza hkikamikikankwanujenzi wa Shule hiyo ifikapo Novemba mwaka huu ili ikifika  Januari mwakani, Wanafunzi wote wa Kata ya Tandika wanaosoma nje ya kata hiyo warudi kusoma kwenye shule yao mpya.

Nae mkazi wa Kata ya Tandika Bi Fatuma Selemani Hassani amesema kuwa uwepo wa Shule hiyo katika itasaidia kupunguza gharama za nauli kwa Wazazi , kuepuka mimba zisizotarajiwa kwa Wanafunzi pia kutotembea umbali mrefu kufuata masomo.

Hata hivyo Mkurugenzi wa Manispaa ya Mtwara -Mikindani Mwalimu Hassan Nyange amesema kuwa ataendelea kuhamasisha watumishi na Wananchi kujitolea nguvu kazi ili kuokoa baadhi ya fedha ili waweze kukamilisha Miradi bila kusuasua.