Mtwara-mikindani Yajipanga Kukusanya Bilioni 2.6 Msimu wa Korosho 2024/2025

Posted on: October 18th, 2024

MTWARA-MIKINDANI YAJIPANGA KUKUSANYA BILIONI 2.6  MSIMU WA KOROSHO 2024/2025.

Halmashauri ya Manispaa ya Mtwara-Mikindani imepanga kukusanya Shilingi bilioni mbili na milioni mia tano tisini (1,590,000,000) kwenye msimu wa korosho wa mwaka 2024/2025 ambao utahusisha chanzo cha huduma za Mji (Service Levy ) Shilingi bilioni moja na milioni mia tano (1,500,000,000).

 Ushuru mwingine ni wa maegesho ya malori shilingi milioni mia mbili hamsini (250,000,000), Ushuru wa mazao Shilingi milioni tisini (90,000,000), Leseni za biashara Shilingi milioni mia mbili hamsini (250,000,000), ushuru wa malori yanayoingia mjini Shilingi milioni mia saba hamsini (750,000,000) pamoja na mfuko wa elimu

Ili Manispaa iweze kufikia lengo katika makusanyo ya zao la korosho,  Leo Oktoba 18, 2024 Timu  ya ufuatiliaji wa mapato yatokanayo  na zao hilo Manispaa ya Mtwara-Mikindani imekutana na wadau  wanaohusika na mnyororo wa zao la korosho ili kuimarisha ukusanyaji wa mapato  na kudhibiti mianya ya upotevu wa mapato ya zao hilo.

Wadau walioshiriki kikao ni pamoja na Mamlaka ya Bandari Tanzania (TPA), Bodi ya Korosho Tanzania (CBT), Mamlaka ya Mapato Tanzania (TRA), Mawakala wa Usafirishaji wa korosho , Mawakala wa usafirishaji wa mizigo na meli pamoja na Chama Kikuu Cha Ushirika cha Mtwara na Masasi (MAMCU) ambao wamekubaliana kufanya kazi kwa timu ili malengo ya Serikali yaweze kutimia.