Mtwara-Mikindani Yanunua PikipIki Mbili ILi Kudhibiti Ukuaji Wa mji Holela

Posted on: May 6th, 2025

Katika kuhakikisha kuwa Wananchi wa Manispaa ya Mtwara-Mikindani wanazingatia taratibu za ujenzi mjini, Manispaa ya Mtwara-Mikindani imenunua pikipiki mbili zenye thamani ya Shilingi milioni tano laki mbili (5,200,000) kutoka kwenye mapato yake ya ndani na kuzikabidhi katika Idara ya Mipangomiji na ardhi  ili kusimamia na kudhibiti ukuaji wa mji kiholela.

Mkuu wa Kitengo cha Mipangomiji, Rugembe Maiga amemshukuru Mkurugenzi wa Manispaa ya Mtwara-Mikindani Mwalimu Hassan Nyange kwa kuridhia kutoa fedha za kununua pikipiki hizo ambazo zitawezesha wataalamu kufanya ukaguzi wa kila mara na doria za kila siku ili kuhakikisha ujenzi unaofanyika ndani ya Manispaa unakidhi vigezo vya kitaalamu na vya kisheria vikiwemo Mjenzi kuwa na nyaraka za umiliki wa kiwanja na kibali cha ujenzi.