Mtwara-Mikindani Yapanga Kutumia Mil.121 Kulipa madeni ya Walimu

Posted on: August 2nd, 2024

Mkurugenzi wa Manispaa ya Mtwara-Mikindani Mwalimu Hassani B. Nyange amesema kuwa katika mwaka wa fedha 2024/2025 halmashauri imepanga kutumia shilingi milioni mia moja ishirini na moja (121,000,000) kutoka kwenye mapato ya ndani kwa ajili ya kumaliza  kulipa madeni mbalimbali ya walimu wa Shule za Msingi ambayo yatafanyika pindi mfumo wa malipo utakapofunguliwa.

Amesema kuwa katika kuhakikisha malipo hayo yanafanyika halmashuari imeshafanya uhakiki wa madeni hayo ambapo walimu 146 wa Idara ya  Elimu Msingi wanadai shilingi milioni mia moja ishirini laki tisa tisini na tisa na mia tano (120,999,500).

Mwalimu Nyange ameyasema hayo  leo Julai 31,2024 katika kikao cha  Mkuu wa Wilaya ya Mtwara Mhe. Mwanahamisi Munkunda  na wadau wa Elimu Wilayani hapo  kwa ajili ya kujadili masuala mbalimbali yahusuyo elimu kilichofanyika katika Ukumbi wa Chuo cha Ualimu Kawaida  Mtwara  (TTC).