Mtwara-mikindani Yapokea Pikipiki tatu za Usimamizi wa Shughuli za Lishe

Posted on: October 7th, 2022

Halmashauri ya Mnaispaa ya Mtwara-Mikindani imepokea pikipiki tatu aina ya boxer kati ya pikipiki hamsini zilizotolewa na Mhe.Rais wa Jamhuri ya Muungano wa Tanzaia Samia Suluhu Hassan Septemba 30,2022 Jijini Dodoma kwa ajili ya usimamizi na uimarishaji wa utoaji wa huduma za lishe katika Mamlaka za Serikali za Mitaa.

Mhe.Rais ametoa pikipiki hizo kwenye hafla ya utiaji saini mkataba wa usimamizi wa shughuli za lishe na tatahmini ya sita ya mkataba wa lishe ambapo Manispaa ya Mtwara-Mikindani tumeshika nafasi ya sita Kitaifa kwenye utekelezaji wa shughuli za lishe  kwa mwaka wa fedha 2021-2022 kati ya halmashauri 184 zilizopo Tanzania Bara.

Halmashauri ya Manispaa ya Mtwara-Mikindani tunamshukuru Mhe.Rais wa Jmhuri ya Muunganowa Tanzania kwa kutupatia pikipiki hizo ambazo zitarahisisha utendaji kazi wa Maafisa Lishe na sasa kila mmoja atafikiwa na kupatiwa huduma za lishe