Mtwara-Mikindnai Yakarabati Soko Kuu La Vigaeni Kwa Mil.39.9

Posted on: December 6th, 2024

Ili kuweka mazingira rafiki ya wafanyabiashara wa  Soko Kuu la Vigaeni, Halmashauri ya Manispaa ya Mtwara-Mikindani imetoa fedha Shilingi milioni thelathini na tisa laki tisa themanini  na moja mia tano sabini na tano (39, 981,575) kutoka kwenye mapato yake ya ndani  kwa ajili ya kufanya ukarabati wa soko  hilo katika eneo la wafanyabiashara wa mbogamboga “Mkunguni” ambapo  Manispaa  imepekeka  Shilingi milioni ishirini (20,000,000) fedha za awamu ya kwanza kati ya Shilingi milioni thelathini na tatu (33,000,000) zilizotengwa  kwa ajili ya kuwekea zege, kuchimba mifereji ya maji ya mvua, kuweka nguzo za chuma  na kupaua kwenye baadhi ya sehemu ya eneo hilo ambapo ukarabati umeshaanza.

Aidha Shilingi milioni tano laki moja (5,100,000) zimepelekwa  kwa ajili ya kukarabati jengo la Nafaka kwa kuweka umeme utakaowezesha wafanyabaishara hao kufanya biashara hata nyakati za usiku na Shilingi Milioni kumi na nne laki nane themanini na moja mia tano sabini na tano (14,881,575) za ukarabati wa choo cha soko hilo kwa awamu ya pili

Bi Salma Issa Waziri Mfanyabiashara wa Mbogamboga katika soko la Mkunguni ametoa shukurani zake kwa Mkurugenzi wa Manispaa Mwalimu Hassan Nyange na watumishi wake kwa kutatua changamoto zinazowakabili na kuwasimamia vizuri wafanyabiashara hao.

“Mkurugenzi ameamua kututengenezea soko letu liwe vizuri, tulikuwa na changamoto ya kujaa kwa maji hasa katika kipindi hiki cha mvua, lakini kwa sasa zoezi hili likimalizika tutafanya biashara kwa utulivu  tunashukuru na tumefurahi “amesema mfanyabiashara huyo.