Mtwara Yaadhimisha Kumbukumbu ya Mashujaa Kwa kufanya Usafi Naliendele

Posted on: July 25th, 2022

Ikiwa leo nchi yetu ya Tanzania inaadhimisha  siku ya kumbukumbu ya Mashujaa waliopoteza Maisha yao wakiipigania na kuulinda Uhuru wa Tanzania , Mkuu wa Mkoa wa Mtwara Brih. Jen. Marc Gaguti akiambatana na Mkuu wa Wilaya ya Mtwara Mhe. Dunstan Kyobya na Mkurugenzi wa Manispaa ya Mtwara-Mikindani Col.Emanuel Mwaigobeko wameungana na wafanyakazi kutoka taasisi mbalmbali Pamoja na wananchi wa Manispaa kuadhimisha siku hii muhimu kwa kufanya usafi kwenye makaburi ya mashujaa 101 waliopigana vita ya Msumbiji yaliyopo Naliendele.

Sambamba na kufanya usafi pia imefanyika dua na sala maalumu ya kuwaombea Mashujaa hao Pamoja na kuiombea amani nchi yetu kutoka kwa viongozi wa dini.

Ikumbukwe kuwa Mashujaa waliozikwa Naliendele walipigana vita ya Msumbiji kuanzia mwaka 1986 hadi 1988 ambapo wanajeshi waliopoteza Maisha wakiwemo Mashujaa 101 walizikwa katika makaburi ya Naliendele baada ya Serikali ya Jamhuri ya Muungano wa Tanzania kuhamisha makaburi hayo kutoka Msumbiji walikozikwa awali mwaka 2004