Naibu meya Akabidhi Mashine za Welding Kwa Kiundi cha Mtwara Social Workers

Posted on: November 2nd, 2022

Baada ya Ofisi ya Mkurugenzi wa Mnaispaa ya Mtwara-Mikindani kupokea mashine za kuchomelea (welding) kutoka Ofisi ya Rais ya Tamisemi kwa ajili ya kuwapatia kikundi cha Vijana Cha  Mtwara Social Workers kilichopo Kata ya Likombe, Naibu meya wa Manispaa ya Mtwara -Mikindani Mhe. Edward Kapwapwa Novemba 1,2022 amekabidhi  msaada huo kwa kikundi hiko  wa kwa ajili ya kufanyia kazi.

Akizungumza mara baada ya kukabidhi mashine hizo Mhe. Kapwapwa ameishukuru Serikali kwa kuendelea kuwaunga mkono vijana katika kuhakikisha wanafanya kazi kwa kutumia teknolojia za kisasa na amewataka vijana liopo  Manispaa ya Mtwara-Mikindani kuacha kukaa vijiweni badala yake wajitoe kufanya kazi.

Kwa upande wake Katibu wa Kikundi Cha Mtwara Social workwers Issa Utohi ameishukuru Serikali ya Jamhuri ya Muungano wa Tanzania kwa kuwapatia mashine hizo bila malipo yoyote na kuahidi kuvitunza vifaa hivyo ili viweze kuwasaidia kwa muda mrefu.

Aidha vijana hao wameushukuru Uongozi wa Manispaa ya Mtwara-Mikindani kwa kuwasimamia vizuri na kuahidi kuendelea kutoa ushirikiano kwa Serikali .