Neema Yawashukia Wafanyabiashara Chuno, Gaguti aagiza Wapewe Mikopo

Posted on: June 7th, 2021

Mkuu wa Mkoa wa Mtwara Brig. Jen Marco Gaguti  Leo juni 7 2021 amemuagiza Mkurugenzi wa  Mtawar Mikindani Col.Emanuel Mwaigobeko kuwapatia mkopo wa asilimia 10% vikundi vya wanawake ,vijana na walemavu wanaofanyabiashaara  katika soko la chuno ikiwa ni njia mojawapo ya kuboresha biashara na huduma katika soko hilo.

Amesema kuwa anatambua umuhimu wa mikopo  kuwa itaimarisha biashara zao kwa kuwa ana aimani kuna wengine mitaji yao imekufa wengine imepungua.

Kwa namna nyingine Gaguti amaewataka wafanyabiashara hao kuboresha  huduma na kuongeza bidhaa kwa kuwa Mkoa unatarajia kupokea ugeni mkubwa katika kipindi hiki cha michuano ya UMISSETA na UMITASHUMNTA.

“Mahitaji  ni mengi sana niwaombe, boresheni huduma zenu mkizingatia suala la usafi na afya  katika mazingira mnayoyafanyia biashara ili kuepuka magonjwa ya milipuko”Amesema Gaguti

Mashindano ya Michezo ya UMITASHUMNTA yanafanyika Kitaifa Mkoani Mtwara na yanafunguliwa Kesho juni 8 na Waziri Mkuu wa Jamhuri ya Muungano  wa Tanzania Mhe.Kassim Majaliwa Majaliwa katika Viwanja vya Nangwanda Sijaona vilivyopo Manispaa Mtwara –Mikindani.