"Ninaridhishwa Na Namna Mnavyotekeleza Miradi Ya Maendeleo"- DC Mwaipaya

Posted on: May 8th, 2025

Mkuu wa Wilaya ya Mtwara Mhe. Abdallah Mwaipaya amesema kuwa anaridhishwa na namna Manispaa  ya Mtwara-Mikindani inavyotekeleza miradi ya Maendeleo katika maeneo yake na amewapongeza Waheshimiwa Madiwani na  Mkurugenzi kwa usimamizi mzuri wa miradi yenye viwango vikubwa sana.

Mhe.Mwaipaya ameyasema hayo Leo Mei 8,2025 kwenye mkutano wa baraza la Madiwani wa kupitia taarifa za halmashauri robo ya tatu 2024/2025 uliofanyika katika Ukumbi wa Ofisi ya Mkuu wa Mkoa wa Mtwara (Boma)

Kuelekea Uchaguzi Mkuu unaotarajia kufanyika mwishoni mwa mwaka huu, Mhe.Mwaipaya amewasisitiza Madiwani kwenda kuwahamasisha wananchi wao kujitokeza kwenye zoezi la Uboreshaji wa taarifa za mpiga kura awamu ya pili linalotarajia kuanzia  tarehe 16-22.05.2025.