RC Mtwara Akabidhi Taulo za kike kwa wanafunzi wa Mtwara Girls

Posted on: July 12th, 2023

Kutokana na wanafunzi wengi wasichana nchini Tanzania kukabiliwa na changamoto ya kutohudhuria masomo vizuri darasani wanapokuwa kwenye hedhi , Mkuu wa Mkoa wa Mtwara COL. Abbass Ahmed Abbass amekabidhi taulo za kike boksi hamsini (50) kwa wanafunzi wa Shule ya Sekondari ya wasichana Mtwara  Leo Julai 12, 2023.

Akizungumza kwa niaba  ya wanafunzi wenzake mara baada ya kupokea taulo hizo , Dada Mkuu wa Shule ya Sekondari ya wasichana Mtwara Fatuma Suleimani amemshukuru Mkuu wa Mkoa wa Mtwara na timu aliyoambatana nayo kwa kuwaletea vifaa hivyo vya kujisitiri kwani itawapeleka kujiamini na kuhudhuria vipindi vyote darasani na kuongeza ufaulu .

Katika msafar huo Mkuu wa Mkao aliambatana na Mbunge wa Jimbomla Mtwara Mjini Mhe. Hassan Mtenga, Mkuu wa Wilaya ya Mtwara ,kamati ya Ulinzi na Usalama ya Wilaya pamoja na watumishi wa Ofisi ya Mkurugenzi wa Manipaa ya Mtwara-Mikindani.