RC Mtwara Azindua Zoezi la Ununuzi wa Tiketi za Pambano la ngumi

Posted on: September 15th, 2022

Kuelekea kwenye pambano la ubabe ubabe litakalowakutanisha wanamasumbwi kutoka ndani na nje ya Tanzania  hapo Septemba 24, 2022 katika Uwanja wa Nagwanda Sijaona, Mkuu wa Mkoa wa Mtwara Col. Abbas Ahmed Abbas leo Septemba 15,2022 amefanya uzinduzi wa kuufungua Mkoa wa Mtwara na  zoezi la ununuaji wa tiketi kwa ajili ya pambano hilo Katika Viwanja vya Mashujaa.

Akizungumza mara baada ya uzinduzi huo, Mkuu wa Mkoa ametoa wito kwa wananchi wa Mtwara kuhakikisha kuwa wanashiriki na wanajitokeza kwenye ununuzi wa tiketi zitakazouzwa katika vituo mbalimbali vilivyoandaliwa.

Mkuu wa Mkoa ameendelea kusema  kuwa Mkoa wa Mtwara pia umeandaa siku ya utalii itakayofanyika Septemba 27 mwaka huu  ambapo wananchi watapata fursa ya kutembelea vivutio mbalimbali vilivyopo ndani ya Mkoa hivyo anamewasisitiza wananchi kujitokeza kwenye shughuli hiyo.

Aidha amewashukuru wadau wote wa maendeleo ambao kwa namna moja ama nyingine wameunga mkono jitihada za Serikali katika kuifungua Mtwara  na amewakaribisha wananchi wote waliopo ndani na nje ya Mkoa na Tanzania  kuja kushuhudia mpambano huo mkali wa Kimataifa na kumtaka bondia wa Tanzania Twaha kiduku kuipeperusha vema bendera ya Tanzania.

Pambano la ubae ubabe linatarajia kuwakutanisha mabondia wa Twaha kiduku kutoka Tanzania na Abdo Khaleed kutoka Misri Kwa Kiingilio cha shilingi elfu ishirini kwa VIP A, shilingi elfu kumi VIP B na shilingi elfu tano kawaida.

Tiketi zinapatikana kwneye vituo vya Mashujaa