RC Sawala Aipongeza Ofisi ya DC Mtwara na Mkurugenzi Mtwara-Mikindani Kwa Usimamizi Mzuri wa Miradi

Posted on: December 12th, 2024

Mkuu wa Mkoa wa Mtwara COL.Patrick Sawala ameipongeza Ofisi ya Mkuu wa Wilaya ya Mtwara na Ofisi ya  Mkurugenzi wa Manispaa ya Mtwara-Mikindani Kwa ufuatiliaji na  usimamizi mzuri wa miradi ya Maendeleo  ambayo inakamilika  kwa wakati na kwa ubora unaotakiwa.

Amesema kuwa hana mashaka na Utendaji kazi waManispaa ya Mtwara-Mikindani  kwa kuwa  wamekuwa wakifanya vizuri kwenye utekelezaji wa miradi akitolea mfano wa  miradi iliyotembelewa na Mwenge  wa Uhuru mwaka huu iliyopelekea Manispaa kushika nafasi ya kwanza kimkoa, pamoja na kwenye sekta ya elimu na Usimamizi wa Rasilimaliwatu ambapo Manispaa imekuwa ya pili kati ya Manispaa 20 zilizopo Tanzania bara na kutunukiwa tuzo.

Mkuu wa Mkoa ameyasema hayo Leo Desemba 23,2024 alipokuwa Kwenye ziara ya Ukaguzi wa miradi ya Ujenzi wa madarasa mawili Shule ya Msingi Magomeni na matundu ya vyoo sita (58,200,000) na  Ujenzi wa Majengo matano Hospitali ya Wilaya Mjimwema(1,000,000,000).

Kwa upande wa mradi wa madarasa na matundu ya vyoo COL.Sawala amesema kuwa ameridhika na utekelezaji wa  mradi huo  ambao unavutia na umekamiilika kwa asilimia 100.