Shule Ya Sekondari Tandika Mtwara Yazinduliwa, Kiongozi Wa Mbio Za Mwenge Aimwagia Sifa

Posted on: May 25th, 2025

Baada ya kumalizika  kwa ujenzi wa Shule ya Sekondari ya Tandika Mtwara na wanafunzi  wa kidato cha kwanza kuanza masomo kuanzia Januari mwaka huu, Kiongozi wa Mbio za Mwenge  wa Uhuru Kitaifa Ndugu. Ismail Ali Ussi ameridhia kuzindua shule hiyo baada ya kukidhi vigezo vyote Leo Mei 25,2025.

Akizungumza wakati akiwa Shuleni hapo Ndugu. Ussi amesema kuwa Serikali imekuwa ikitenga fedha nyingi  za kuimarisha sekta ya elimu hapa nchini  hivyo wazazi wahakikishe wanawapeleka watoto shuleni wakapate elimu.

“Tumejionea maabara za kisasa, madarasa ya kisasa na maktaba za kisasa kwa kweli Rais ameleta mapinduzi makubwa kwenye sekta ya elimu,

 “ Tumekagua shule yetu  hii, ni nzuri, ina viwango, inapendeza, na imezingatia vigezo vyote vya kusoma watoto wetu amesema “ Ndugu Ussi

Shule ya Sekondari ya Tandika Mtwara imejengwa kwa fedha kutoka Serikali Kuu kupitia mradi wa Sequip Shilingi milioni mia tano sitini mia tano ishirini na mbili mia nane ishirini na saba( 560,522,827) na fedha za michango ya wananchi Shilingi  2,050,000

Uwepo wa  shule hiyo imesaidia kupunguza msongamano wa wanafunzi katika  shue za jirani na kupunguza umbali wa wanafunzi kutembea muda mrefu wa kwenda na kurudi shuleni .

Wazazi, wanafunzi na walimu shuleni hapo wametoa shukrani zao za kipekee kwa Rais wa Jamhuri ya Muungano wa Tanzania kwa ujenzi wa shule  hiyo  kwani imesogeza huduma  karibu na wananchi.