Simbeye Afurahishwa na Ujenzi wa Mabweni Sekondari ya Wasichana Mtwara

Posted on: June 8th, 2021

Mkurugenzi wa Elimu  Tawala za Mikoa na Serikali za Mitaa Ephraim Simbeye  amefurahishwa  na maendeleo ya ujenzi  wa mabweni mawili katika  shule ya wasichana Mtwara yaliyogharimu Mil 160 hadi sasa.

Akizungumza katika ziara yake shuleni hapo Juni 7 mwaka huu  Bw. Simbeye  ametoa  pongezi kwa  wataalam na wasimamizi    wa  ujenzi huo kutoka  Manispaa ya Mtwara -Mikindani  kwa kuwa waaminifu katika umimamizi na  utekelezaji wa majukumu yao  na kuweza kubakiza  fedha   kutoka katika mradi mwingine wa ukarabati wa shule kongwe    na kuwekeza fedha hizo katika ujenzi wa mabweni hayo mawili.

Ameendelea  kuwasisitiza  wataalam hao  kuendelea  kuwa waaminifu na wazalendo  katika matumizi ya fedha ili  kuipunguzia Serikali gharama zisizo na lazima.

"Niwapongeze  mmeonesha uzalendo na uaminifu  mkubwa sana,  hii ndio inatakiwa  tunatakiwa kuunga mkono  jitihada za Serikali kwa namna moja ama nyingine, maendeleo sio Serikali bali sisi wenyewe,endeleeni na moyo huo huo katika utendaji wenu”Alisema Simbeye

Ujenzi wa mabweni hayo yametokana na fedha zilizobaki katika ukarabati wa shule  kongwe ambazo ni sekondari ya wasichana Mtwara na shule  ya ufundi Mtwara.