Timu ya BOOST Yatembelea Miradi

Posted on: July 6th, 2023

Timu ya wataalamu wa miradi ya BOOST Manispaa ya Mtwara-Mikindani Julai  6,2023 imefanya ziara ya kutembelea miradi hiyo ambayo inahusisha ujenzi wa madarasa 15 na  matundu  18 ya vyoo kwa shule za Msingi saba na ujenzi wa Shule mpya ya Msingi inayojengwa Kata ya Ufukoni Mtaa wa Mbae Mashariki.

Lengo la ziara hiyo ni kuona maendeleo ya utekelazaji wa miradi hiyo  ambayo ujenzi wake umefikia hatua ya upauaji kwa Shule Saba zinazojenga madarasa na matundu ya vyoo na Ujenzi wa Shule mpya umefikia hatua ya ujenzi wa Msingi.

Mwezi mwaka huu Manispaa ya Mtwara-Mikindani ilipokea Shilingi milioni mia nane sabini na nne laki moja (874,100,000) kutoka Serikali Kuu kwa ajili ya ujenzi wa madarasa, matundu ya vyoo na ujenzi wa Shule mpya ya Msingi.