TRA Yakabidhi Msaada Waathirika Maafa Ya Mvua Mtwara

Posted on: March 5th, 2025

Mkuu wa Wilaya ya Mtwara, Mhe. Abdallah Mwaipaya @mwaipayaabdallah amepokea Mchele na Mafuta kutoka Mamlaka ya Mapato Tanzania (TRA) Mkoa wa Mtwara ikiwa ni msaada kwa waathirika wa mvua kubwa zilizonyesha Wilayani hapa.

TRA @tratanzania wamekabidhi msaada huo kupitia Kaimu Meneja TRA Mtwara, Daniel Katamboyi ambapo amekabidhi jumla ya kilo 250 za mchele pamoja na Mafuta ya kula Lita 90.

Mapema mwezi Februari Wilaya ya Mtwara ilianza kupata mvua nyingi na kusababisha mafuriko katika baadhi ya maeneo yake, hali iliyopelekea baadhi ya wakazi wake kupata changamoto ya kukosa chakula na uhalibifu wa miundombinu.