"Tutaendelea Kuyaishi Maono ya Rais Samia Katika Kukuza Utalii"Ndile

Posted on: December 7th, 2024

Mstahiki Meya wa Manispaa ya  Mtwara -Mikindani Mhe.Shadida Ndile amesema kuwa Manispaa itaendelea kuyaishi maono ya Mhe. Rais wa Jamuhuri ya Muungano wa Tanzania Dkt. Samia Suluhu Hassan ya kuhakikisha inakuza Utalii kwa  kulinda na kutunza  vivutio vilivyopo ili vizazi vijavyo viweze Kurithi na kuenzi tamaduni za Kitanzania.

Ameyasema hayo Leo Desemba 7,2024 Mchinga -Lindi alipohudhuria kwenye Uzinduzi wa Tamasha la "Tendaguru Mjusi Festival" baada ya kumaliza bonanza la Michezo lililowashirikisha Madiwani wa Manispaa ya Mtwara-Mikindani na Madiwani wa Manispaa ya  Lindi.

Aidha Mstahiki Meya amemshukuru Mkuu wa Wilaya ya Lindi Mhe Victoria Mwanziva na Mkurugenzi wa Manispaa ya Lindi Kwa kuwakaribisha na amewapongeza Kwa kuendesha Tamasha la "Tendaguru Mjusi Festival" lenye lengo la  kuvutia Utalii Mkoani Lindi.

Aidha amewakaribisha Madiwani wa Manispaa ya Lindi kutembela Manispaa ya Mtwara-Mikindani ili kuendeleza ujirani mwema pamoja kutembelea vivutio vya Utalii vilivyopo Mji Mkongwe wa Mikindani.

Katika Uzinduzi huo uliofanyika Eneo la Mchinga waheshimiwa Madiwani na Wataalamu walitembelea vivutio mbalimbali vilivyopo katika eneo hilo.