UN WOMEN Yatoa Elimu ya Umiliki wa pamoja wa Mapato Yatokanayo na Kilimo Jangwani

Posted on: March 22nd, 2024

 UNWOMEN YATOA ELIMU YA UMILIKI WA PAMOJA WA MAPATO YATOKANAYO NA KILIMO KATA YA JANGWANI

Shirika la umoja wa kimataifa la wanawake (UNWOMEN) kupitia mradi wa wanawake Uongozi na Haki ya kiuchumi (WLer) Machi 22,2024 wametoa elimu ya kuhusu uhamasishaji wa haki za wanawake katika usawa wa umiliki wa pamoja wa mapato yatokanayo na kilimo katika Kata ya Jangwani Mtaa wa Mahuta.

Afisa Maendeleo ya Jamii wa Manispaa ya Mtwara-Mikindani Bi Rida Kahungenge ambae pia ni mratibu wa Mradi huo amesema kuwa lengo la elimu hiyo ni kuitaka jamii kuwa na dhana shirikishi ya kuwa na uchumi wa pamoja.

Aidha ametoa rai kwa jamii hadi ngazi ya familia kuwa na akaunti ya pamoja ikiwa ni utaratibu wa kulinda haki za wanawake kiuchumi.

Reniuce Mhagama ni mhandisi Kilimo ambae pia ni mwezeshaji katika mradi huo alisema kuwa kukosekana kwa usawa kunarudisha nyuma maendeleo  katika familia na kuongeza kuwa ni wakati wa familia kushirikishana katika kupanga malengo na mikakati ya pamoja kuanzia katika uzalishaji  hadi inapofikia hatua ya matumizi,

Katika Manispaa ya Mtwara-Mikindani Mradi huo unatekelezwa katika Kata tatu ambazo ni Kata ya  Chuno mtaa wa Majengo na Ligula B.Kata ya Naliendele Mtaa wa Pwani B na Naulongo pamoja na Kata ya Jangwani Mtaa wa Mahut ana Lwelu